Gravferda er ein viktig dag kor familie og vener tek farvel med den som er død, og takkar for det livet som har vore.
Ulike sermoniar
Det er vanleg å velje ein seremoni som gjenspeglar den avdøde sine ynskjer og livssynsretning. Det er rom for fleire personlege val, uavhengig av kva for ein seremoni ein vel.
Vi i Hjelmeland Begravelsesbyrå har lang erfaring med å følgje pårørande sine ynskjer, og organisere ei løysing som heile familien vert nøyde med.
Vi bistår med å arrangere kyrkjelege, humanistiske og private seremoniar, samt seremoniar tilhøyrande andre religiøse trusamfunn. Det er og mogleg å arrangere ei gravferd utan ein seremoni.
Etter seremonien
Etter seremonien vert det laga ei minnebok til deg som blant anna inneheld minneord, dødsannonse, songhefte og bilde frå seremonien.
Urnenedsetting
Etter ei bisetting vert kista kremert og ei urne med avdøde si aske vert sett ned i grava. Pårørande kan ta kontakt med oss eller direkte med kyrkjeverje for å avtale tid for urnenedsettinga.
Gravstein
Når vi mister nokon vi er glad i, er det fint å ha ei grav å gå til. Vi hjelper deg i arbeidet med å utforme og velge stein, akkurat slik du ynskjer. Om ynskjeleg kan vi pusse opp og fornye eksisterande, og inngravere nytt namn på gravsteinen.
