Hjelmeland Begravelsesbyrå har vore ei familiebedrift sidan etableringa i 1978 og består i dag av fem tilsette, Bjørn, Tone Lise, Geir Ove, Lone og Odd Kåre. Dei tilsette er alle skulerte gjennom Virke Gravferd og har lang erfaring med å yte hjelp og støtte til pårørande i vanskelege situasjonar. Vi er her for å gje dykk tryggleik og hjelp med alle dei gjeremåla som dukkar opp i samband med ei gravferd. Vi hjelper med val av løysingar slik at gravferda blir slik de ønskjer. Vi ordnar alt av papirarbeid, transport, songar, dødsannonsar, – og vi syter for at eventuelle støtteordningar kjem til nytte i bruk.